Casio-ում ժամացույց են ստեղծել ռոմանտիկ աղջիկների համար
Ճապոնիայի Casio ընկերությունը ներկայացրել է նոր մոդելի Baby-G BA-110 ժամացույցը: Այն ստեղծված է G-Shock GA110 ժամացույցի տեսքով, բայց ավելի հանգիստ կատարմամբ:
Ընկերության ներկայացուցիչների խոսքով՝ այդ ժամացույցը նախատեսված է ռոմանտիկ աղջիկների համար:
Մոդելը զարդարված է ոսկե փոշեպատմամբ մետաղական դետալներով եւ ներկայացված է չորս գունավորումներով՝ սեւ, սպիտակ, բաց դեղնավուն եւ մոխրա-երկնագույն: Ժամացույցն ապահովված է 3D-թվացույցով, որը խորության զգացում է առաջացնում: Դա անջրանցիկ է մինչեւ 100 մետր խորությունում եւ հանդերձված է ավտոմատ լուսավորմամբ:
Casio ընկերությունը հիմնվել է 1946 թվականին Տոկիոյում: Մասնագիտացած է էլեկտրոնային սարքերի (հաշվասարքերի, լուսախցիկների, երաժշտական գործիքների, պլանշետների), ինչպես նաեւ ձեռքի ժամացույցների արտադրության բնագավառում:
