ՀՀ էկոնոմիկայի նախարարն այցելել է ICE HOUSE ընկերություն
Օգոստոսի 26-ին ՀՀ էկոնոմիկայի նախարար Արծվիկ Մինասյանն այցելել է ICE HOUSE ընկերություն, որը սառնարանային և չոր պահեստները վարձակալությամբ տրամադրող և լոգիստիկ ծառայություններ իրականացնող մասնագիտացված համալիր է:
Նախարարին ուղեկցել են էկոնոմիկայի նախարարի տեղակալ Հովհաննես Հովհաննիսյանը և Հայաստանի զարգացման հիմնադրամի տնօրեն Կարեն Մկրտիչեանը:
ICE HOUSE -ի սեփականատեր Արման Հովսեփյանը ներկայացրել է ընկերության գործունեությունը, խոսել գործարարների համար ստեղծված պայմանների, լայն հնարավորությունների մասին, անդրադարձել մոտ ապագայում նախանշվող ներդրումային ծրագրերին:
ICE HOUSE ընկերությունը նաև մասնագիտացված բեռնափոխադրումներ է իրականացնում ՀՀ, ԼՂՀ և ՌԴ տարածքում, տրամադրում խոհրդատվություն մատակարարման, արտահանման և ներմուծման բնագավառներում:
Հանդիպման ընթացքում մտքեր են ծավալվել պետություն- մասնավոր հատված փոխգործակցության շուրջ:
ՀՀ էկոնոմիկայի նախարար Արծվիկ Մինասյանը գոհունակություն է հայտնել կատարված աշխատանքների առնչությամբ և համագործակցության պատրաստակամությամբ հաջողություն մաղթել հավակնոտ ծրագրերի իրականացման գործում:
