«Ռոնալդուն ցանկանում է ավարտել կարիերան «Ռեալում»». Ֆլորենտինո Պերես
Մադրիդի «Ռեալի» նախագահ Ֆլորենտինո Պերեսը նշել է, որ թիմի հարձակվող Կրիշտիանու Ռոնալդուն ցանկանում է խաղակոշիկները կախել մեխից Արքայական ակումբում: Պորտուգալիայի հավաքականի ֆուտբոլիստը ճանաչվեց Եվրոպայի լավագույն ֆուտբոլիստ:
«Ես շատ գոհ եմ, քանի որ «Ռեալի» ֆուտբոլիստները Եվրոպայում լավագույնների մեջ են: Բոլորը խոսում են Ռոնալդուի պայմանագրի երկարաձգման մասին: Նա ուզում է ավարտել կարիերան «Ռեալում», և մենք նույնպես ձգտում ենք դրան: Թող բոլորը հանգիստ լինեն, քանի որ մենք երկար տարիներ հաճույք կստանանք նրա խաղից և առաջատարի որակներից»,- Պերեսի խոսքերն է մեջբերում beIN Sports-ը:
Եվրոպայի լավագույն ֆուտբոլիստի կոչման համար պայքարում Ռոնալդուն առաջ անցավ «Սերուցքայինների» կիսապաշտպան Գարեթ Բեյլից և «Ատլետիկոյի» հարձակվող Անտուան Գրիզմանից:
Պատրաստեց Անի Գաբուզյանը
