Ռուսները գույքահարկից ազատում են տեղական արտադրության մեքենաները

Ռուսաստանի Դաշնության Պետդումայի հավանությանը շուտով կներկայացվի մի օրինագիծ, որի նպատակն է խթանել տեղական ավտոարդյունաբերությունը։

Օրենքի նախագծի համաձայն՝ 2017 թվականի հունվարի մեկից կազմակերպությունները կազատվեն տեղական ավտոմեքենաների համար գույքահարկ վճարելու պարտականությունից։

Օրենքը գործելու է 2013 թվականի հունվարի 1-ից հետո արտադրված և հաշվառված մեքենաների համար։

Փաստաթուղթը օգոստոսի 18-ի նիստում արժանացել է կառավարության հավանությանը։ Մեդվեդևի խոսքով, այս օրինագիծը կնպաստի, որպեսզի ռուսաստանյան ընկերությունները թարմացնեն իրենց ավտոպարկը, ինչպես նաև կմեծացնի պահանջարկը ռուսաստանյան արտադրության մեքենաների նկատմամբ։