«Հիմա մենք չունենք հավաքական, պետք է նորը ստեղծել». Ստանիսլավ Չերչեսով

Ռուսաստանի հավաքականի գլխավոր մարզիչը պատմել է թիմի խնդիրների մասին:

«Բնույթով ես մաքսիմալիստ եմ: Օլիմպիական կրեդոն այն մասին, որ գլխավորը մասնակցությունն է, ինձ համար չէ: Եթե մասնակցում ես մրցաշարին, նշանակում է՝ պետք է բարձր նպատակներ դնես: Ի վերջո, հաղթելու շանս միշտ կա:

Այլ հարց է, որ մենք հիմա չունենք թիմ, որպես այդպիսին: Մեր առաջին դժվարությունը նոր թիմ ստեղծելն է և առաջին ստուգողական խաղերին նախապատրաստվելը: Իսկ հետո կսկսենք մտածել խնդիրների մասին»,- Չերչեսովին է մեջբերում ՖԻՖԱ-ի պաշտոնական կայքը:

Չերչեսովը գլխավորեց Ռուսաստանի հավաքականը Եվրո-2016-ից հետո՝ այդ պաշտոնում փոխարինելով Լեոնիդ Սլուցկուն:

2015-16թթ. մրցաշրջանում Չերչեսովը «Լեգիայի» հետ հաղթել է Լեհաստանի առաջնությունը և գավաթը:

Պատրաստեց Անի Գաբուզյանը