Deutsche Bank-ի նախկին աշխատակիցը հրաժարվել է 8 մլն դոլարի պարգևից
Deutsche Bank-ի նախկին ռիսկ-մենեջեր Էրիկ Բեն Արցին հրաժարվել Է ԱՄՆ-ի Արժեթղթերի եւ սակարանների հանձնաժողովի՝ 8,25 միլիոն դոլարի չափով վարձատրումից՝ բանկում տեղ գտած մեքենայությունների մերկացման համար: Այս մասին հաղորդել է The Financial Times-ը:
Այդ քայլով կլերկը բողոք է հայտնել այն բանի դեմ, որ վարկային կազմակերպության պաշտոնատար անձինք պատիժ չեն կրել:
Բեն Արցին Արժեթղթերի հանձնաժողովին օգնել է բացահայտելու բանկի հաշվետվության խեղաթյուրումը: Դրա հետեւանքով բանկն անցյալ տարի տուգանվել է 55 միլիոն դոլարով:
