Ինչո՞ւ Մխիթարյանը չի խաղում մեկնարկային կազմում. արձագանքում է Ժոզե Մոուրինիոն
«Մանչեսթեր Յունայթեդի» գլխավոր մարզիչ Ժոզե Մոուրինիոն խոսել է այն մասին, թե ինչու Հայաստանի ազգային հավաքականի ֆուտբոլիստ Հենրիխ Մխիթարյանը չի խաղում անգլիական ակումբի մեկնարկային կազմում;
Մոուրինիոն նշել է, որ ընտրում է ֆուտբոլիստներին՝ հաշվի առնելով այն հանգամանքը, թե ինչ թիմի հետ է պետք խաղալ;
Մոուրինիոն նշել է, որ Անգլիայի առաջնությունում և Սուպերգավաթի խաղարկության հանդիպումում պետք էին ֆուտբոլիստներ, ովքեր կարող էին փոքրացնել տարածությունները և ճնշում իրագործել: Այս պարագայում ավելի հարմար էր Ռունիին և Իբրային օգտագործել կենտրոնում:
«Մխիթարյանը ֆանտաստիկ ֆուտբոլիստ է, և ես համոզված եմ, որ ընթացիկ մրցաշրջանում նա շատ անգամներ կխաղա հիմնական կազմում»,- ասել է Մոուրինիոն:
Սիրարփի Աղաբաբյան
