Ռուսաստանից և Իրանից ուղևորված ռմբակոծիչները հարված են հասցրել Սիրիայում ԴԱԻՇ-ի դիրքերին
Ռուսական և իրանական օդանավակայաններից ուղևորված «Տու-22Մ3» և «Սու-34» ռմբակոծիչները հարված են հասցրել Սիրիայի Դեր Զոր նահանգում ԴԱԻՇ-ի դիրքերին, հայտնում է RIA Novosti-ն`վկայակոչելով ՌԴ պաշտպանության նախարարությանը:
«Օգոստոսի 18-ին «Տու-22Մ3» և «Սու-34» ռմբակոծիչները, դուրս գալով Ռուսաստանի Դաշնության և Իրանի տարածքներում գտնվող օդանավակայաններից, խմբակային ավիացիոն հարված են հասցրել ահաբեկչական ԴԱԻՇ խմբավորմանը Դեր Զոր նահանգում»,- ասված է հաղորդագրության մեջ:
Ավիահարվածների հետևանքով ոչնչացվել է ռազմամթերքով և զինամթերքով լի 5 պահեստ:
Հարվածներ են հասցվել նաև 6 հրամանատարական կետերի: Ոչնչացվել են զինյալներ, հրետանային դիրքեր և ահաբեկիչների զրահատեխնիկան:
