Սիրիայում ևս 2 ռուս զինծառայող է սպանվել
Համաձայն Conflict Intelligence Team (CIT)-ի հրապարակած զեկույցի` հայտնի է դարձել Սիրիայում ևս 2 ռուս զինծառայողի մահվան մասին:
Ինչպես նշվում է զեկույցում, Սոլնեչնոգորսկի գերեզմանատանը հայտնաբերվել են Ռուսաստանի զինված ուժերի հատուկ գործողությունների ստորաբաժանման երկու սպաների` Օլեգ Արխիևի և Մաքսիմ Սորոչենկոյի գերեզմանները:
Ինչպես հայտնել են զոհերի հարազատները, զինվորականները մահացել են Սիրիայում:
Նշվում է, որ Սորոչենկոյին հետմահու Կուտուզովի շքանշան է տրվել:
Հիշեցնենք, որ օգոստոսի սկզբին Ռուսաստանի ռազմատիեզերական ուժերին պատկանող «Մի-8» ուղղաթիռ է խոցվել Սիրիայի Իդլիբ նահանգում: Ինքնաթիռում գտնվել են անձնակազմի 3 անդամներն ու Սիրիայում հակամարտ կողմերի հաշտեցման ռուսական կենտրոնի 2 սպաները, որոնք մահացել են:
