ԴԱԻՇ-ը քիմիական զենք է կիրառել Սիրիայում. ԶԼՄ-ներ
Ահաբեկչական ԴԱԻՇ խմբավորումը քիմիական զենք է կիրառել Սիրիայի Հալեպ քաղաքի բնակելի թաղամասերում, որոնք գտնվում են սիրիական բանակի վերահսկողության ներքո: Այս մասին հայտնում է իրանական Press TV հեռուստաալիքը:
Դրա տեղեկություններով` ահաբեկիչները իպրիտ են կիրառել: Հարձակման արդյունքում նվազագույնը 20 մարդ է տուժել:
Հիշեցնենք, որ Քիմիական զենքի արգելման կազմակերպությունը չի բացառում, որ ԴԱԻՇ-ը կարող է ինքնուրույն քիմիական զենք արտադրել:
