Իրանը պատրաստ է վերսկսել զբոսաշրջային հոսքը Թուրքիա. ԱԳՆ
Իրանը պատրաստ է վերսկսել զբոսաշրջային հոսքը Թուրքիա այդ երկրում տեղի ունեցած ռազմական հեղաշրջման փորձից հետո, հայտարարել է Իրանի ԱԳՆ ղեկավար Մոհամմեդ Ջավադ Զարիֆը Անկարայում` իր թուրք գործընկերոջ` Մևլյութ Չավուշօլուի հետ հանդիպմանը, հայտնում է թուրքական TRT Haber հեռուստաալիքը:
Նրա խոսքով` Թուրքիայում ռազմական հեղաշրջման փորձը քիչ ազդեցություն է ունեցել Իրանից Թուրքիա զբոսաշրջային հոսքերի վրա:
Իրանցի դիվանագետը նշել է, որ այսօր ոչ մի խոչընդոտ չկա Թուրքիա իրանցի զբոսաշրջիկների այցերի համար:
Թուրքիայի և Իրանի միջև առևտրաշրջանառությունը ընթացիկ տարում կազմել է 2,9 մլրդ դոլար: Երկու երկրների միջև ապրանքաշրջանառությունը գտնվել է 9,76 մլրդ դոլար մակարդակում:
