Կաննի իշխանություններն արգելել են լողափ գնալ մուսուլմանուհիների լողազգեստներով
Ֆրանսիայի Կանն քաղաքի իշխանությունները կանանց արգելել են լողափեր այցելել բուրքինիով՝ մուսուլմանուհիների լողազգեստով, որն ամբողջությամբ փակում է մարմինը եւ համապատասխանում է իսլամի նորմաներին: Այսօր այս մասին հայտնել է Libռration թերթը:
«Այն ժամանակ, երբ Ֆրանսիան եւ կրոնական պաշտամունքի վայրերը դառնում են ահաբեկչական գրոհների թիրախներ, լողազգեստը, որն ընդգծված ձեւով արտացոլում է կրոնական պատկանելությունը, կարող է հարուցել հասարակական կարգի խանգարումներ (մարդկանց կուտակումներ, ընդհարումներ), որոնք անհրաժեշտ է կանխել»,- ասված է մունիցիպալ որոշման մեջ:
«Ոչ պատշաճ հագուստով լողափեր գալն ու լողալն արգելված է ցանկացած անձի, ինչը չի համապատասխանում քաղաքավարության կանոններին եւ աշխարհիկության սկզբունքներին»,- ասված է փաստաթղթում:
Կաննը գտնվում է Նիսից կես ժամվա հեռավորության վրա, որտեղ հուլիսի 14-ին Անգլիական առափնյակում բեռնատարն ամբողջ ընթացքով մխրճվեց բազմության մեջ: Զոհվեց 84 մարդ, վիրավորվեց եւս շուրջ 200-ը, հաղորդել է ՏԱՍՍ-ը:
