Կառավարությունը վերանայել է UCom-ին տրված հարկային արտոնությունը

ՀՀ կառավարությունն այսօր փոփոխություն է կատարել նախկինում ընդունած որոշումներից մեկում, ինչը պայմանավորված է «Յուքոմ» ընկերության կողմից, ՀՀ կառավարության 2016թ. համապատասխան որոշման համաձայն, ներդրումային ծրագրի շրջանակում իրականացվող աշխատանքների` ներմուծվող ապրանքների ցանկի հստակեցման անհրաժեշտությամբ:

Ներդրումային ծրագրի շրջանակում` 4G (LTE) սերնդի բջջային ցանցի և առկա 2G/3G ցանցը հզորացնելու համար ընկերությունը նախատեսում է իրականացնել շուրջ 18.3 մլրդ ՀՀ դրամի չափով ներդրումներ, որից մոտ 17.1 մլրդ ՀՀ դրամը` սարքավորումներ ձեռք բերելու համար:

Բանն այն է, որ մարտի 3-ին կառավարությունը որոշել էր UCom-ի կողմից ներդրումային ծրագրի շրջանակներում ներմուծված ապրանքների ԱԱՀ-ի գանձումը 3 տարով հետաձգել։ Որոշման հավելվածում UCom-ը ներկայացրել էր 100 անուն ապրանքների ցանկ, որոնց գումարային արժեքը կազմում էր 17 մլրդ 178.5 մլրդ դրամ։ Սարքավորումները նույնությամբ բերվել են, սակայն արժեքն է փոխվել՝ 17 մլրդ 521.3 մլրդ դրամ։

Այսպիսով, UCom-ը իր նախատեսածից 342.8 մլն դրամով ավելի շատ ներմուծում է արել։ Ու պետք է այդ 342.8 մլն դրամի դիմաց վճարեր մոտ 68.6 մլն դրամ ԱԱՀ։ Փոփոխության նպատակը հենց այս շեղումը շտկելն էր։