«Եվրոպայի Սուպերգավաթի խաղում «Ռեալի» և «Սևիլիայի» շանսերը հավասար են». Զինեդին Զիդան
«Ռեալի» գլխավոր մարզիչ Զինեդին Զիդանը կիսվել է Եվրոպայի Սուպերգավաթի համար «Սևիլիայի» հետ կայանալիք խաղի սպասումներով: Խաղը տեղի կունենա այսօր՝ օգոստոսի 9-ին:
«Սա գավաթային եզրափակիչ է, որտեղ երկու թիմերն էլ կարող են հաղթել: Ինձ հետաքրքրում է միայն մեր սեփական պատրաստվածությունը, և մենք պատրաստ ենք: Մինչմրցաշրջանային նախապատրաստությունն օգտակար ենք անցկացրել: Մենք դրա ժամանակն ունեցել ենք: Պետք է անել ամենը, ինչին մենք ընդունակ ենք, պետք է առաջին րոպեից տալ բոլոր ուժերը և կենտրոնանալ: Ֆուտբոլում նախօրոք ոչինչ հնարավոր չէ իմանալ: Շանսերը հավասար են»,- Զիդանի խոսքերն է մեջբերում ՈւԵՖԱ-ի մամուլի ծառայությունը:
Պատրաստեց Անի Գաբուզյանը
