Կյանքի իմաստուն դաս Ուինսթոն Չերչիլից
1940-1945 և 1951-1955 թվականներին Միավորված Թագավորության վարչապետ, Բրիտանական ակադեմիայի պատվավոր անդամ, գրականությունից Նոբելյան մրցանակի դափնեկիր Սըր Ուինսթոն Չերչիլի կյանքի դասը, որը պետք է յուրացնի յուրաքանչյուրը:
«Եթե Դուք կարող եք սկսել Ձեր օրը առանց կոֆեինի, եթե Դուք կարող եք միշտ կենսուրախ լինել և ուշադրություն չդարձնել ցավի և տկարության վրա, եթե Դուք կարող եք չբողոքել և չհոգնեցնել մարդկանց Ձեր պրոբլեմներով, եթե Դուք կարող եք ամեն օր ուտել նույն կերակուրը և շնորհակալ լինել դրա համար, եթե Դուք կարող եք հասկանալ յուրաքանչյուր մարդու, ով ժամանակ չունի Ձեզ համար, եթե Դուք կարող եք ականջի կողքով բաց թողնել մեղադրանքը Ձեր սիրելի մարդու կողմից, եթե նույնիսկ ինչ-որ բան այն չէ ոչ Ձեր մեղքով, եթե Դուք կարող եք հանգիստ ընդունել քննադատությունը, եթե Դուք կարող եք նույն ձևով վերաբերվել ինչպես Ձեր աղքատ, այնպես էլ հարուստ ընկերոջը, եթե Դուք կարող եք ապրել առանց ստի, եթե կարող եք պայքարել սթրեսի դեմ առանց դեղահաբի, եթե Դուք կարող եք անկեղծ ասել, որ չունեք ոչ մի նախապաշարմունք մաշկի գույնի, կրոնական համոզմունքների, սեռական կողմնորոշման և քաղաքականության դեմ, նշանակում է, Դուք արդեն հասել եք Ձեր շան զարգացման մակարդակին»:
Պատրաստեց Անի Գաբուզյանը
