Ինչպես է փոխվել բանկերի հաճախորդների թիվը վերջին ամիսներին
ՀՀ բանկային համակարգի հաճախորդների թիվը 2016 թվականի մայիսի վերջի դրությամբ կազմել է 2 402 676 մարդ։ Այս մասին տեղեկացնում է ՀՀ Ազգային վիճակագրական ծառայությունը։
Նախորդ ամսվա՝ ապրիլի վերջի համեմատ, հաճախորդների թիվը նվազել է 2721-ով։ Սակայն մարտի վերջի համեմատ այդ թիվն աճել է 25 511-ով։
Ուշագրավն այն է, որ այդ աճը գրանցվել է հիմնականում ֆիզիկական անձ հանդիսացող հաճախորդների հաշվին։ Մարտի վերջի դրությամբ բանկային համակարգն ուներ 2 300 214 ֆիզանձ հաճախորդ, իսկ մայիսի վերջին՝ 2 325 278։
Իրավաբանական անձ հանդիսացող հաճախորդների թիվը մարտի վերջին եղել է 76 951, ապրիլին աճել է՝ մինչև 80 387, իսկ մայիսին կրկին նվազել՝ ամսվա վերջի դրությամբ հասնելով 77 398-ի։
