Հունիսին ArmTab չի արտադրվել
Այս տարվա հունվար-հունիս ամիսներին Հայաստանում արտադրվել է 696 հատ պլանշետ և 450 հատ բջջային հեռախոս։ Այս մասին տեղեկանում ենք ՀՀ Ազգային վիճակագրական ծառայության զեկույցից։
Նույն ԱՎԾ տվյալներով՝ 2016թ. հունվար-մայիսին արտադրվել էր 696 հատ պլանշետ և 200 բջջային հեռախոս։
Այսինքն, հունիս ամսվա ընթացքում արտադրված պլանշետների քանակը չի փոխվել, իսկ բջջային հեռախոսների քանակը ավելացել է 250-ով։
Տեղեկացնենք, որ Հայաստանում պլանշետներ և բջջային հեռախոսներ արտադրում է միայն մեկ ընկերություն՝ «Թեքնոլոջի ընդ Սայնս Դայնամիքսը» (Technology and Science Dynamics)։
Այն հունիսի 6-ին հայ սպառողին ներկայացրեց Արմֆոն (Armphone) առաջին հայկական սմարթֆոնները:
