ԵԱՏՄ-ի միջկառավարական խորհրդի նիստում առաջնային կլինեն միասնական շուկաների ձեւավորման խնդիրները
ՌԴ վարչապետ Դմիտրի Մեդվեդեւն օգոստոսի 12-ին Սոչիում կմասնակցի Եվրասիական տնտեսական միության միջկառավարական խորհրդի նիստին: Այդ մասին հայտնում են կառավարության մամուլի ծառայությունից:
«Նիստի ընթացքում կարծարծվեն Եվրասիական տնտեսական միության շրջանակներում ինտեգրացիոն փոխգործակցության հրատապ հարցերը»,- նշել են մամուլի ծառայությունում:
«Պլանավորվում է առաջնային ուշադրություն հատկացնել միասնական շուկաների ձեւավորման խնդիրներին, այդ թվում՝ սոցիալապես կարեւոր այնպիսի ոլորտում, ինչպիսին դեղամիջոցների շրջանառությունն է»,- ընդգծել են նախարարների կաբինետում:
«Նախատեսվում է քննարկել Միության Մաքսային օրենսգրքի նախագիծը»,- նշվում է հաղորդագրության մեջ:
