Թուրքիայում մշակվել է նավթամուղներն ու գազամուղները դիվերսիաներից պաշտպանող համակարգ
Թուրք ինժեներները մշակել են «Միդաս» համակարգը, որը պետք է դիվերսիաներից պաշտպանի երկրի նավթամուղներն ու գազամուղները, հայտնում է Anadolu գործակալությունը:
Համակարգը օպտիկամանրաթելային հաղորդիչի միջոցով գրանցում է խողովակաշարարերում նվազագույն ակտիվությունը, այդ թվում` ավտոմեքենաների, մարդկանց շարժը, ինչպես նաև 50 կմ երկարությամբ պեղումները:
Համակարգի օգնությամբ պլանավորվում է ապահովել թուրքական խոշորագույն BOTAŞ ընկերության նավթամուղներն ու գազամուղները, որոնք կենսական կարևորություն ունեն Թուրքիայի համար:
Նախագծի համակարգի մշակման վրա երկար ժամանակ աշխատել է թուրքական պաշտպանական ASELSAN ընկերությունը:
Համակարգի առավելությունը դրա արտադրության ցածր արժեքն է, ինչպես նաև օգտագործման թեթևությունը, նշում է գործակալությունը:
