Հռիփսիմե Խուրշուդյանը կարող է զրկվել օլիմպիական մեդալից
Ծանրամարտի միջազգային ֆեդերացիան հրապարակել է Լոնդոն 2012-ի դոպինգ թեստերի կրկնակի ստուգումների արդյունքները: Կրկնակի հետազոտությունից հետո հրապարակվել են մի շարք մարզիկների անուններ, ովքեր օգտագործել են խթանիչ միջոցներ: Այս մարզիկների թվում է նաև Հայաստանի կանանց հավաքականի անդամ Հռիփսիմե Խուրշուդյանը:
Ըստ հետազոտությունների՝ Խուրշուդյանն օգտագործել է ստենոզոլոլ և դեհիդրոքլորմեթիլտեստոստերոն:
Ծանրամարտի միջազգային ֆեդերացիան առաջիկա շաբաթվա ընթացքում կհրապարակի որոշումը: Հավանական է, որ Խուրշուդյանը կարող է զրկվել Լոնդոնի Օլիմպիական խաղերում նվաճած բրոնզե մեդալից:
Հիշեցնենք, որ 2008 թվականին օգտագործած դոպինգի համար Խուրշուդյանը զրկվել էր միջազգային մրցաշարին, մասնավորապես՝ Ռիո-2016-ին, մասնակցելու իրավունքից:
Սիրարփի Աղաբաբյան
