Մեքսիկայում զայրացած ցուցարարներն սպանել են քաղաքապետին, կան զոհեր
Վրդովված քաղաքացիները սպանել են հնդկացիական Սան-Միգել-Չամուլա քաղաքի ադմինիստրացիայի ղեկավարին, գրում է El Financiero թերթը:
Պարբերականի տեղեկություններով՝ քաղաքապետ Դոմինգո Լոպես Գոնսալեսն անցկացրել է գործարար հանդիպում, երբ ադմինիստրացիայի շենքի մոտ են հավաքվել բազմաթիվ բնակիչներ: Նրանք պահանջել են ավելի վաղ քաղաքին հատկացված 100 միլիոն պեսոն որպես աջակցություն տրամադրել տեղի արհեստավորներին:
Քաղաքապետի թիկնապահները փորձել են ցրել հավաքվածներին, սակայն ի պատասխան նրանք գործի են դրել հրազեններն ու սպանել քաղաքապետին:
Այնուհետ անկարգությունների մասնակիցները բարիկադներ են կառուցել քաղաք տանող ճանապարհնին ու պահանջել իշխանություններից հաշվետվություն ներկայացնել օգտագործված գումարների վերաբերյալ:
Նահանգի կառավարությունից ավելի ուշ հայտնել են, որ զոհերի թիվը հասել է մինչև 5-ի, ևս 12 մարդ վիրավորվել է: Մինչ այդ, տեղի ԶԼՄ-ները հայտարարել են, որ զոհերի թիվը ավելի շատ է և հասնում է 20-ի:
