Էրդողանն ուղերձով դիմել է թուրք ժողովրդին
Թուրքիայի նախագահ Ռեջեփ Էրդողանը կոչով դիմել է թուրք ժողովրդին՝ կոչ անելով «հանգստություն պահպանել այն իրավիճակում, որն ստեղծվել է երկրում»: Այս մասին տեղեկացնում է TASS-ը:
Նրա ուղերձն ուղիղ եթերում հեռարձակել է «Ալ-Արաբիա» հեռուստաալիքը:
Էրդողանը հայտնել է, որ Թուրքիայում ռազմական հեղաշրջման անհաջող փորձից հետո կալանավորվել է 13 156 հազար զինվորական և քաղաքացիական անձ: Կալանավորվածների թվում կա 126 գեներալ:
Էրդողանը խոստացել է Թուրքիայի բոլոր պետական կառույցները մաքրել իսլամիստ Ֆեթուլլահ Գյուլենի կողմնակիցներից, որոնց թուրքական իշխանությունները մեղադրում են հեղաշրջումը կազմակերպելու մեջ:
«Երկիրն ազատվել է հիվանդությունից և առողջանում է: Թուրքիայի տնտեսությունը պահպանում է կայունությունն ու զարգանում է: Առջևում սպասվում են բազմաթիվ նոր՝ կարևոր նախագծեր»,- ասել է Էրդողանը:
