Խորենացու փողոցի բախումներից տուժել է 45 քաղաքացի՝ 25 ոստիկան, 20 ցուցարար
ՀՀ Առողջապահության նախարի հասարակայնության հետ կապերի վարչությունից նախնական տեղեկություններ տրամադրեցին Խորենացի փողոցում տեղի ունեցած բախումներից տուժածների մասին:
ՀՀ ոստիկանության պարեկապահակային ծառայության գնդի մոտակայքում տեղի ունեցող միջադեպի հետևանքով նախնական տվյալներով այս պահին տարբեր բուժհաստատություններ է դիմել 45 տուժած, որից 25-ը` ոստիկան։
18-ը տեղափոխվել է շտպօգնության մեքենաներով, մյուսները դիմել են ինքնուրույն։ Բուժօգնությունը ցուցաբերվում է ամբողջական ծավալով և ժամանակին։ Առավել մանրամասն տեղեկատվություն կտրամադրենք առաջիկայում։
