«Հայաստանում քաղաքական փոփոխություններ կատարելու համար բռնությյունը երբեք ընդունելի տարբերակ չի կարող լինել». ՀՀ-ում ԱՄՆ դեսպան
Հայաստանում ԱՄՆ դեսպանատունն ուշադրությամբ հետևում է «Սասնա ծռեր» զինված խմբավորման կողմից Էրեբունի վարչական շրջանում գտնվող Պահակապարեկային ծառայության (ՊՊԾ) գունդը գրավելու հետևանքով ստեղծված իրավիճակին: Այս մասին նշել է Հայաստանում ԱՄՆ դեսպան Ռիչարդ Միլզը՝ «Ա1+»-ի և «Ազատության» հետ զրույցում:
«Բռնությունը երբեք ընդունելի տարբերակ չի կարող լինել Հայաստանում քաղաքական փոփոխություններ իրականացնելու համար։ Մենք ուշադիր հետևում ենք իրավիճակին, քանի որ Ամերիկայի քաղաքացիներին այս քաղաքում անվտանգության և ապահովության վերաբերյալ խորհուրդներ տալն ԱՄՆ դեսպանության հիմնական պարտականություններից է»,- ասել է դեսպան Միլզը՝ հորդորելով ԱՄՆ քաղաքացիներին ժամանակավորապես հեռու մնալ Էրեբունու տարածքից:
Ռիչարդ Միլզը, ով Հայաստանի իշխանությունների հետ կիրակի օրվանից սկսած կապի մեջ չի եղել, մեջբերել է երեկ ԱՄՆ Պետդեպում իրավիճակի վերաբերյալ հնչած հարցի պատասխանը՝ հորդորելով ՀՀ իշխանություններին պրոֆեսիոնալ կերպով մոտենալ հարցին:
Մանրամասները՝ տեսանյութում:
