Ջոն Քերին չի մեկնաբանել Երևանում զինված խմբի գործողությունները. Հայաստանում ԱՄՆ դեսպանության պարզաբանումը
Հայաստանում ԱՄՆ դեսպանությունը հերքել է համացանցում շրջանառվող այն տեղեկությունը, թե ԱՄՆ պետքարտուղար Ջոն Քերին մեկնաբանել է Երևանում զինված խմբի գործունեությունը:
Ավելի վաղ համացանցում տեղեկություն էր հայտնվել այն մասին, թե Քերին մեկնաբանել է Հայաստանի մայրաքաղաք Երևանում զինված խմբի գործողությունները, սակայն մանրամասներ չէին ներկայացվել:
«Դա ապատեղեկատվություն է: Բացարձակապես սուտ տեղեկություն»,- ասվում է Հայաստանում ԱՄՆ դեսպանության Twitter-յան էջում:
Դեսպանությունը նաև տեղեկացնում է, թե ԱՄՆ պետքարտուղարի բոլոր պաշտոնական հայտարարությունները հասանելի են Պետդեպի կայքում:
