Յըլդըրըմը Գյուլենի թիկունքում կանգնած երկիր չի տեսնում
Թուրքիայի վարչապետ Բինալի Յըլդըրըմը հուլիսի 15-ին իրականացված ռազմական հեղաշրջման փորձից հետո չի տեսնում որևէ երկրի, որը կանգնած կլինի Ֆեթուլլահ Գյուլենի թիկունքում, ում թուրքական իշխանությունները համարում են ծավալված գործողությունների հիմնական մեղավորը: Այս մասին տեղեկացնում է «Անադոլու» գործակալությունը:
«Երեկ երեկոյան տեղի ունեցած դեպքից հետո այս անձի (Ֆեթուլլահ Գյուլենի), այս մարդու, այս հանցախմբի առաջնորդի, այս ահաբեկչական խմբավորման պարագլխի հետևում կանգնած որևէ երկիր չեմ կարող տեսնել: Սրա հետևում կանգնած երկիրը Թուրքիայի բարեկամը չէ, Թուրքիայի հետ լուրջ պատերազմի մեջ է»,- ասել է Յըլդըրըմը:
