Հունաստանը խոստացել է անմիջապես Թուրքիային վերադարձնել թուրք զինվորականների ուղղաթիռը
Հունաստանի զինված ուժերի գլխավոր շտաբը հայտարարություն է արել հեղաշրջման փորձ ձեռնարկած թուրք զինվորականների կողմից իրենց երկրում վայրէջք կատարած ռազմական ուղղաթիռի վերադարձի առնչությամբ: Այս մասին տեղեկացնում է թուրքական «Հուրիեթ» պարբերականը:
Հունական կողմի հայտարարության մեջ նշվում է, որ իրենք անմիջապես Թուրքիային են վերադարձնելու թուրքական ռազմական ուղղաթիռը: Ինչ վերաբերում է ուղղաթիռում գտնված յոթ զինվորականներին և մեկ քաղաքացիական անձին, ովքեր ապաստանի խնդրանքով են դիմել Հունաստանին, զինված ուժերի գլխավոր շտաբը հայտարարել է, որ նրանց մասին հայտարարություն կանեն լիազոր մարմինները:
