Ֆրանսիայում եռօրյա համազգային սուգ է հայտարարվել
Ֆրանսիայի իշխանությունները հուլիսի 16-ից համազգային եռօրյա ազգային սուգ են հայտարարել` ի հիշատակ Նիսում իրականացված ահաբեկչության հետևանքով գրանցված զոհերի: Ինչպես հաղորդում է New York Timesը, այս մասին հայտնել է Ֆրանսիայի վարչապետ Մանուել Վալսը:
Հուլիսի 15-ին` օրվա երկրորդ կեսին, վարչապետն ու նախագահ Ֆրանսուա Օլանդը կայցելեն Նիս: Ֆրանսիայի միջերկրածովյան Նիս քաղաքում հուլիսի 14-ի երեկոյան, երբ ֆրանսիացիները նշում էին Ազգային տոնը՝ Բաստիլի օրը իրականացված ահաբեկչության հետևանքով զոհերի թիվը հասել է 84-ի: Եվս 18 մարդ գտնվում է ծայրահեղ վիճակում: Տասնյակ մարդիկ վիրավոր են:
Բեռնատարը մխրճվել է ազգային տոնի առիթով քաղաքի կենտրոնական հատվածներից մեկում հավաքված ամբոխի մեջ, ապա կրակ բացել մարդկանց ուղղությամբ: Վարորդը սպանվել է ոստիկանների կողմից:
Ավտոմեքենայի սրահում հայտնաբերվել են փաստաթղթեր, որոնց համաձայն` ղեկին, ենթադրաբար, եղել է 31-ամյա տեղացի, ով ունեցել է Ֆրանսիայի և Թունիսի քաղաքացիություն:
