Թուրքիայում ոստիկանական կենտրոնի վրա հարձակում է իրականացվել
Թուրքիայի Սիիրթ (Սղերթ) շրջանում հարձակում է իրականացվել ոստիկանական կենտրոնի վրա: Այս մասին տեղեկացնում է թուրքական «Անադոլու» գործակալությունը:
Թուրքիայի իրավապահ մարմինների կողմից հնչեցված պատասխան կրակոցների հետևանքով վիրավորվել են հարակից տան տանիքում գտնվող 40ամյա մի մարդ և նրա 10ամյա որդին: Վերջիններս տեղափոխվել են հիվանդանոց:
Երեխայի կյանքը վտանգված է: Թուրքական լրատվամիջոցի փոխանցմամբ` հարձակման հեղինակները Քրդական բանվորական կուսակցության (PKK) անդամներն են, ում
հայտնաբերելու նպատակով Սիիրթում գործողություն է սկսվել:
