Հրապարակվել է Եվրո-2016-ի խորհրդանշական հավաքականի կազմը

Փորձագետների խումբը Սըր Ալեքս Ֆերգյուսոնի, Ալեն Ժիրեսի, Դևիդ Մոյեսի և այլ հայտնի մասնագետների գլխավորությամբ կազմել է 2016թ. Եվրոպայի առաջնության խորհրդանշական հավաքականը: Այդ մասին հաղորդել է ՈւԵՖԱ-ի մամուլի ծառայությունը:

Հավաքականի կազմում տեղ են գտել հետևյալ ֆուտբոլիստները.
Ռույ Պատրիսիու (Պորտուգալիա), Ջոշուա Կիմիխ, Ժերոմ Բոատենգ (Գերմանիա), Պեպե, Ռաֆայել Գերեյրո (Պորտուգալիա), Տոնի Կրոս (Գերմանիա), Ջո Ալեն, Ահարոն Ռեմփսի (Ուելս), Անտուան Գրիզման, Դիմիտրի Պայետ (Ֆրանսիա), Կրիշտիանու Ռոնալդու (Պորտուգալիա):

Եվրոպայի առաջնության եզրափակչում Պորտուգալիան կարողացավ 1:0 հաշվով հաղթել Ֆրանսիային: Միակ գնդակը խփեց Անտոնիու Էդերը:

Պատրաստեց Անի Գաբուզյանը