«Իհարկե, ես երկրի վերջին հույսը չեմ. մտածում եք՝ ամեն ինչ այդքան վա՞տ է». Էնդի Մարեյ
Մեծ Բրիտանիայի առաջին ռակետ Էնդի Մարեյն Ուիմբլդոնի քառորդ եզրափակչում հաղթելով Ժո-Վիլֆրեդ Տսոնգային 7:6, 6:1, 3:6, 4:6, 6:1 հաշվով, մեկնաբանեց այն պնդումը, որ հանդիսանում է «ազգի վերջին հույսը»:
– Մեր երկիրը հիմա բավականին դժբախտ է…
(Մարեյը լսում է):
… Մեզ պետք է նոր վարչապետ, նոր մարզիչ Անգլիայի ֆուտբոլի հավաքականի համար…
(Մարեյի դեմքին տարակուսանք է):
Top Gear-ի հաղորդավարը նույնպես հեռացել է: Ինչպե՞ս է դա՝ լինել ազգի վերջին հույսը:
(Մարեյը ծիծաղում է):
– Դե, ամեն ինչ այդքան էլ վատ չէ: Մտածում եք՝ այդքան վա՞տ է: Իհարկե, ես երկրի վերջին հույսը չեմ: Մենք շատ ավելի հույսեր ունենք, քան մենակ ես: Ես ուղղակի աշխատում եմ անել ամեն ինչ այս մրցաշարում, և թող նրանք, ովքեր երկրպագում են ինձ, ուրախանան: Հույս ունեմ հաղթել ևս 2 խաղ, և վերջ:
Պատրաստեց Անի Գաբուզյանը
