Գվարդիոլան հայտնել է, որ «Մանչեսթեր Սիթին» չի պատրաստվում գնել Մեսսիին
«Մանչեսթեր Սիթիի» նոր գլխավոր մարզիչ Պեպ Գվարդիոլան իր նշանակմանը նվիրված հատուկ շնորհանդեսի ժամանակ մեկնաբանել է Արգենտինայի հավաքականի և «Բարսելոնայի» հարձակվող Լիոնել Մեսսիի հնարավոր տեղափոխության մասին շշուկները:
Շնորհանդեսի ժամանակ անգլիական թիմի երկրպագուները հարցեր են տվել իսպանացի մասնագետին: «Մանչեսթեր Սիթիի» երկրպագուներից մեկը հարցրել է Գվարդիոլային, արդյո՞ք կապված ԶԼՄ-ներում վերջին շշուկների հետ՝ նա ցանկանում է իր թիմում տեսնել Մեսսիին:
«Ոչ: Մեսսին պետք է մնա «Բարսելոնայում» մինչև իր կարիերայի ավարտը»,- հայտարարել է Գվարդիոլան:
«Մանչեսթեր Սիթիի» գլխավոր մարզչի պաշտոնում Պեպ Գվարդիոլան փոխարինեց չիլիացի մասնագետ Մանուել Պելեգրինիին:
Պատրաստեց Անի Գաբուզյանը
