Ֆրանսիայում ահաբեկչության կանխման վարժանքներ են կայացել Եվրո-2016-ն անցկացնելիս
Լիոնի (Ֆրանսիայի կենտրոնական մաս) արվարձանում գտնվող «Պարկ Օլիմպիկ» մարզադաշտում մայիսի30-ի երեկոյան տեղի են ունեցել ֆուտբոլի Եվրոպայի առաջնության ժամանակ ահաբեկիչների գործողությունների կանխման լայնընդգրկուն
վարժանքներ:
Այս մասին հայտնել են մարզադաշտի տնօրինությունը եւ Ռոնի տարածաշրջանի
անվտանգության վարչությունը: Սցենարի համաձայն՝ Ուկրաինայի եւ Հյուսիսային Իռլանդիայի հավաքականների մրցախաղից առաջ երկու մահապարտ ահաբեկիչներ իրենց
պայթեցնում են մարզադաշտի հյուսիսային մուտքի մոտ:
Le Monde թերթի տվյալներով՝ վարժանքներին մասնակցել Է մի քանի հարյուր մարդ, ներառյալ Լիոնի եւ դրա մերձակա քաղաքների քաղաքապետարանների աշխատողներ, ՈՒԵՖԱ-ի, Ֆրանսիայի երկաթուղիների ընկերության, Լիոնի օդանավակայանի աշխատակիցներ:
France info ռադիոկայանը, ամփոփելով վարժանքների առաջին արդյունքներն, ընդգծել Է, որ դրանք «թույլ տվեցին ստուգել անվտանգության
ապահովման բոլոր մեխանիզմների աշխատանքը եւ բոլոր ուժերի ու գերատեսչությունների գործողությունների համակարգումը»:
Եվրո-2016-ը Ֆրանսիայում տեղի կունենա հունիսի 10-ից մինչեւ հուլիսի 10-ը, հաղորդել Է ՏԱՍՍ-ը:
Լուսանկարը` EPA
