Նիդեռլանդներում հետազոտության նպատակով մարդկային էմբրիոններ կաճեցնեն

Նիդեռլանդների կառավարությունը հայտարարել է գիտական նպատակներով մարդկային էմբրիոնների աճեցման թույլտվություն տալու մասին: Այսպես, երկրի առողջապահության նախարար Էդիթ Սհիփերսը հայտարարել է, որ ցանկանում է թույլատրել գիտական հետազոտությունների համար էմբրիոնների ստեղծումը, ու մարդկանց հնարավորություն տալ ունենալ առողջ երեխաներ: Այս մասին հայտնում է korrespondent.net-ը:

«Հետազոտությունը վերաբերում է անպտղությանը, արհեստական վերարտադրության մեթոդներին ու բնածին հիվանդություններին»,- ասված է հայտարարության մեջ:

Նպատակը մարդկանց բուժումն է, որոնք անպտուղ են դարձել վաղ տարիքում քաղցկեղի դեմ պայքարում: