Օբաման պատմական այցով գտնվում է Հիրոսիմայում
![](https://168.am/wp-content/uploads/2016/05/obama.jpg)
ԱՄՆ նախագահ Բարաք Օբաման իր պատմական այցը Հիրոսիմա սկսել է ամերիկյան «Իվակունի» ավիաբազա այցով, հայտնում է RIA Novosti-ն:
Օբաման ԱՄՆ առաջին գործող նախագահն է, ով այցելում է ճապոնական քաղաք ամերիկյան ռազմաօդային ուժերի կողմից 1945թ. ատոմային ռմբակոծությունից հետո:
Ենթադրվում է, որ մինչ բազայի զինծառայողների առաջ ելույթ ունենալն Օբաման կուղևորվի Հիրոսիմայի հուշարձանային համալիր:
Սպասվում է, որ Օբամայի հետ հիշատակի միջոցառումներին կմասնակցի Հիրոսիմայի և Նագասակիի ռմբակոծությունից ողջ մնացած երեք ճապոնացի: