Հնդկաստանում 7 կիլոգրամ քաշով երեխա է ծնվել
Հնդկաստանում գրեթե 7 կիլոգրամ քաշով աղջիկ է ծնվել: Այս մասին տեղեկացնում է CNN հեռուստաալիքը:
Արտասովոր խոշոր նորածինը լույս աշխարհ է եկել կեսարյան հատման օգնությամբ: Աղջկա քաշը կրկնակի գերազանցում է Հնդկաստանում նորածինների միջին քաշը:
19 տարեկան մոր համար այդ ծնունդն առաջինն էր, նշում է հեռուստաալիքը: Ե՛վ մայրը, և՛ նորածինը իրենց լավ են զգում:
Հնդկաստանի համար նորածնի նման քաշը կարող է ռեկորդ դառնալ: Սակայն համաշխարհային ռեկորդը չի գերազանցվի. Գիննեսի ռեկորդների գրքի վարկածով՝ 10,3 կիլոգրամ քաշով ամենախոշոր նորածինը 1995 թվականին ծնվել է Իտալիայում, հաղորդել է «Ինտերֆաքս»-ը:
