Հիջաբի նորաձևության մեկդարյա Էվոլյուցիան՝ 1 րոպե տևողությամբ հոլովակում
YouTube-ում՝ MuslimGirl.net ալիքում, տեսագրություն է հայտնվել վերջին հարյուր տարվա ընթացքում հիջաբի նորաձեւության էվոլյուցիայի մասին: Երկու օրում տեսանյութը դիտել են ավելի քան 5,500 անգամ:
Հոլովակում ցուցադրվում է, թե ինչպես են փոխվել մուսուլմանական գլխաշորը կրելուն վերաբերող նախապատվությունները՝ կախված տասնամյակից եւ այս կամ այն երկրից: Տեսագրությունը հիշեցնում է The Cut պորտալի մի շարք տեսանյութեր եւ նրա «Գեղեցկության 100 տարին» նախագիծը, որը նվիրված է նորաձեւության կերպարների Էվոլյուցիային:
Նորաձեւության եւ գեղեցկության բնագավառում ստանդարտների փոփոխության վերաբերյալ նման տեսանյութերն ստեղծում է Mode ընկերությունը:
