Պուտինը հրաժարվել է մեկնել Ստամբուլ. պարզաբանում է Պեսկովը
ՌԴ նախագահ Վլադիմիր Պուտինի մամուլի քարտուղար Դիմիտրի Պեսկովը պատմել է, թե ինչու է Պուտինը հրաժարվել մասնակցել Ստամբուլում մայիսի 23-24-ը կայանալիք ՄԱԿ-ի հումանիտար գագաթաժողովին, հայտնում է Lenta.ru-ն:
Պեսկովը բացատրել է, որ Ռուսաստանի նախագահի աշխատանքային գրաֆիկում նման այց նախատեսված չէ: «Ցավոք, գրաֆիկում այդ ուղևորության համար տեղ չկա: Ռուսաստանը կներկայացվի այլ մակարդակով»,- ասել է Պեսկովը:
Ինչպես այսօր հայտնել է ՌԴ ԱԳՆ պաշտոնական ներկայացուցիչ Մարիա Զախարովան, Ստամբուլ կմեկնի միջգերատեսչական պատվիրակությունը՝ ՌԴ արտակարգ իրավիճակների ղեկավարի տեղակալի գլխավորությամբ:
«Մենք մասնակցում ենք լիագումար նիստի ու երկու նախարաարկան կլոր սեղանների, հատուկ թեմատիկ նիստերի»,- ասել էր նա:
