Արագաչափ սարքերն ավելացվելու են. ՃՈ պետ
ՀՀ ճանապարհային ոստիկանությունը հանրապետությունում ճանապարհային երթևեկության արագաչափ սարքերն ավելացնելու անհրաժեշտություն է տեսնում:
Ազգային ժողովում լրագրողների հետ զրույցում այս մասին ասաց ՀՀ ճանապարհային ոստիկանության պետ Արմեն Հակոբյանը: «Այո, մենք տեսնում ենք արագաչափ սարքերն ավելացնելու անհրաժեշտություն: Կավելացնենք այնքանով, որքանով որ անհրաժեշտ կլինի»,- նշեց Հակոբյանը:
Նա հավելեց՝ երբ որևէ վայրում արագաչափ սարք տեղադրելու անհրաժեշտություն է առաջանում, ճանապարհային ոստիկանությունը դիմում է այդ արագաչափերը տեղադրող և սպասարկող Security dream ընկերությանը, որն էլ պարտաճանաչ կերպով աջակցում է՝ կատարելով իր պայմանագրային պարտավորությունները:
