Ադրբեջանի վարչապետը մեկնել է Վրաստան
Ադրբեջանի վարչապետ Արթուր Ռասիզադեն այցով գտնվում է Վրաստանում: Թբիլիսիի միջազգային օդանավակայանում նրան դիմավորել են Վրաստանի էներգետիկայի նախարար Կախա Կալաձեն և այլ պաշտոնատար անձինք, հայտնում է «Գրուզիա օնլայնը»:
Ադրբեջանի վարչապետն այնտեղից ուղևորվել է միանգամից Վրաստանի նախագահի նստավայր, որտեղ ընթանում է նրա հանդիպումը Վրաստանի նախագահ Գեորգի Մարգվելաշվիլիի հետ:
Այցի շրջանակում ադրբեջանցի պաշտոնյան հանդիպելու է նաև Վրաստանի վարչապետ Գեորգի Կվիրիկաշվիլիի հետ:
Սպասվում է, որ Ադրբեջանի վարչապետը կմասնակցի ու ելույթ կունենա Թբիլիսիում կայանալիք նիստին, որը նվիրված է Արևելք-Արևմուտք էներգետիկ միջանցքի 20-ամյակին:
