Ադրբեջանը, Թուրքիան և Վրաստանը համատեղ կապահովեն նավթագազատարների անվտանգությունը
Ադրբեջանը, Թուրքիան և Վրաստանը պայմանավորվել են համատեղ ուժերով ապահովել նավթագազատարների անվտանգությունը: Այս մասին, ինչպես հայտնում է RIA Novosti-ն, երեկ Գաբալայում հայտարարել է Թուրքիայի պաշտպանության նախարար Իսմեթ Յըլմազը:
«Երեք երկրների նախարարները քննարկել են նավթագազատարների անվտանգության ապահովման հարցը և դրա շուրջ համաձայնություն է ձեռք բերվել»,- ասել է Յըլմազը Ադրբեջանի, Թուրքիայի և Վրաստանի պաշտպանության նախարարների եռակողմ հանդիպման արդյունքով հրավիրված մամուլի ասուլիսի ժամանակ:
