«Ռեալը» «Բավարիայի» հարձակվող Ռոբերտ Լևանդովսկու համար կառաջարկի 80 մլն եվրո
Լեհը կփոխարինի Քարիմ Բենզեմային:
Ֆլորենտինո Պերեսը որոշել է ազատվել ֆրանսիացուց: Ինչպես հաղորդում է Daily Star-ը, հարձակման գծում մադրիդցիների նախագահը ցանկանում է տեսնել Ռոբերտ Լևանդովսկուն և պատրաստ է նրա համար վճարել 80 մլն եվրո:
Բենզեմայի նկատմամբ հավակնություններ ունի Կարլո Անչելոտին, ով կգլխավորի «Բավարիան» հաջորդ մրցաշրջանում:
Լևանդովսկին «Բավարիայի» կազմում Բունդեսլիգայի շրջանակներում անցկացրած 61 հանդիպումներում դարձել է 44 գոլի հեղինակ:
Լեհի նկատմամբ հավակնություններ ունեն նաև «Մանչեսթեր Յունայթեդը» և «Մանչեսթեր Սիթին»:
Ավելի վաղ հաղորդվել էր, որ Լևանդովսկին երկարաձգել է պայմանագիրը «Բավարիայի» հետ մինչև 2021թ.:
Պատրաստեց Անի Գաբուզյանը
