Մոռացել՝ մեկ գավաթ սուրճ կամ ջուր եմ խմել, կարո՞ղ եմ հաղորդվել
Սա անլուրջ մոտեցում է Ս. Հաղորդությանը, քանզի քրիստոնյան միշտ պետք է զգոն, աչալուրջ և ավելի խստապահանջ լինի հատկապես իր հանդեպ:
Եթե մարդ գիտե, որ վաղը կամ որևէ օր Ս. Հաղորդություն պիտի ստանա, ապա պարտավոր է պատրաստվել իր ուժերի չափով՝ ուշադրություն դարձնելով ամեն ինչի, այս դեպքում երկրորդական կամ ավելորդ բաներ չկան: Հնարավո՞ր չէր դիմանալ գայթակղությանը և առավոտյան հրաժարվել ավանդական սուրճից կամ ջուր խմելուց. իհարկե անհնար չէ:
Երբեմն ծուլությունը, անզգոնությունը մեզ շեղում են ճշմարիտ ճանապարհից: Նման դեպքերում ավելի լավ է չհաղորդվել, որպեսզի հաջորդ անգամ պատրաստ մոտենանք Ս. Հաղորդությանը:
