Երթ՝ «Ոչ պատերազմին», «Պահանջում ենք արդար հարկային քաղաքականություն» կոչերով
Հայաստանի պետական հիմնարկների, տեղական ինքնակառավարման մարմինների և հասարակական սպասարկման աշխատողների ճյուղային հանրապետական արհմիությունը աշխատավորների միջազգային օրը երթ է կազմակերպում: Ինչպես տեղեկացրին արհմիությունից, երթը տեղի կունենա այսօր՝ մայիսի 1-ին, ժամը 13:00-ին, Հանրապետության հրապարակի շատրվանների մոտից դեպի Շառլ Ազնավուրի հրապարակ։ Հնչելու են հետևյալ կարգախոսները` «Պահանջում ենք արդար հարկային քաղաքականություն», «Հանրային ծառայողը առաջնագծում», «Ոչ պատերազմին» և այլն:
Տեղեկացնում են նաև, որ Երևանի քաղաքապետարանն ի գիտություն է ընդունել անցկացվելիք երթի իրազեկումը:
