ԼՂՀ առողջապահության նախարարն այցելել է Քերոլայն Քոքսի անվան վերականգնողական կենտրոն
ԼՂՀ առողջապահության նախարար Կարինե Աթայանն աշխատակազմի ղեկավար Արմեն Առաքելյանի հետ այցելել է նախարարության ենթակա «Քերոլայն Քոքսի անվան վերականգնողական կենտրոն» ՊՈԱԿ:
ԼՂՀ ԱՆ մամլո ծառայության փոխանցմամբ՝ Կ. Աթայանը ծանոթացել է կենտրոնի շենքային պայմաններին, այցելել հիվանդասենյակներ, խոսել հիվանդների և նրանց խնամակալների հետ:
Այցի շրջանակներում Քերոլայն Քոքսի անվան վերականգնողական կենտրոնի գործադիր տնօրեն Վարդան Թադևոսյանի հետ քննարկվել են առաջիկայում նախատեսվող ծրագրերը` աուտիզմի խնդիրներով երեխաների բուժման համար նախատեսված ցերեկային կենտրոնը:
Աղբյուրի հաղորդմամբ՝ նախարարը շնորհակալություն է հայտնել կատարվող աշխատանքների համար:
