««Սևիլիայի» և «Շախտյորի» հակամարտության շանսերը 50-50 են». Ունայի Էմերի
«Սևիլիայի» գլխավոր մարզիչ Ունայի Էմերին կիսվել է Եվրոպայի լիգայի կիսաեզրափակչում «Շախտյորի» հետ անցկացրած արտագնա խաղից ստացած տպավորություններով, որը տեղի է ունեցել Լվովում և ավարտվել է 2:2 հաշվով:
«Երկու թիմերն էլ ցույց տվեցին, որ արժանի էին մրցաշարի կիսաեզրափակիչ փուլ դուրս գալուն: Մեր հակամարտությունում դեռ ոչինչ պարզ չէ: Մրցակիցների շանսերը 50-50 են:
Պատասխան խաղում մենք պետք է ցուցադրենք մեր լավագույն ֆուտբոլը, որպեսզի անցնենք եզրափակիչ: Ընդհանուր առմամբ այսօրվա խաղն ինձ չզարմացրեց: Կարծում եմ, որ հաջորդ շաբաթ մեզ նման մի բան է սպասվում»,- Էմերիի խոսքերն է մեջբերում Goal-ը:
Պատրաստեց Անի Գաբուզյանը
