Հաջորդ ամսվա կեսին ենթադրվում է հանդիպում Մինսկի խմբի համանախագահների հետ. Մամեդյարով
Հաջորդ ամսվա կեսին ենթադրվում է հանդիպում Մինսկի խմբի համանախագահների հետ: Այս մասին, ինչպես հայտնում է APA գործակալությունը, հայտարարել է Ադրբեջանի արտգործնախարար Էլմար Մամեդյարովը Մալթայի իր գործընկերոջ՝ Ջորջ Վելլայի հետ հանդիպման ժամանակ:
Մամեդյարովի խոսքով՝ ԵԱՀԿ Մինսկի խմբի համանախագահների հետ հանդիպումը կարող է տեղի ունենալ մայիսի կեսին միջոցառումների շրջանակում, որը տեղի է ունենալու Եվրոպայի քաղաքներից մեկում:
«Ես տվել եմ հանդիպմանն իմ համաձայնությունը: Հնարավոր է, որ այն տեղի կունենա Բրյուսելում: Մոտ ժամանակներս կհաղորդվի ավելի մանրամասն տեղեկություն»,- ասել է Ադրբեջանի արտգործնախարարը:
