Թուրքիան Լեռնային Ղարաբաղի խնդրի խաղաղ լուծման հույս ունի
Թուրքիան հույս ունի, որ Լեռնային Ղարաբաղի խնդիրը կլուծվի խաղաղ ճանապարհով՝ հաշվի առնելով Ադրբեջանի ինքնիշխանությունն ու տարածքային ամբողջականությունը: Ինչպես հայտնում է RIA Novosti-ն, այս մասին հայտարարել է Թուրքիայի արտգործնախարար Մևլյութ Չավուշօղլուն:
«Լեռնային Ղարաբաղի խնդիրը պահանջում է մեր լարված ուշադրությունը: Մենք սպասում ենք ու հուսով ենք, որ այդ խնդիրը կլուծվի խաղաղ ճանապարհով՝ Ադրբեջանի ինքնիշխանության և տարածքային ամբողջականության շրջանակում»,- հայտարարել է Չավուշօղլուն Պեկինում՝ Ասիայում վստահության միջոցների ու համագործակցության խորհրդաժողովի անդամ երկրների արտգործնախարարների հինգերորդ հանդիպման ժամանակ:
