Խավիեր Էռնանդեսը մերժել է եվրոպական մի քանի ակումբների առաջարկները
«Բայերի» հարձակվող Խավիեր Էռնանդեսը պատմել է, որ ընթացիկ մրցաշրջանի մեկնարկից առաջ մերժել է եվրոպական մի քանի ակումբների առաջարկները:
««Յուվենթուսը», «Միլանը», «Լացիոն» և «Ռոման» ցանկանում էին ձեռք բերել ինձ անցյալ ամռանը: Ես ընտրեցի «Բայերը»` Չեմպիոնների լիգայում մասնակցության համար: Այնտեղ վստահ էին, որ ես կարող եմ օգնել, և դա ինձ դուր եկավ: Այս ակումբում ես ինձ օգտակար եմ զգում:
Ես ինձ լավ եմ դրսևորել Լևերկուզենում, և իմ պայմանագիրը նախատեսված է մինչև 2018թ.: Այստեղ ես ունեմ այն, ինչ ինձ անհրաժեշտ է:
Ապագայում կարող է շատ բան փոխվել: Սերիա Ա-ն հրաշալի առաջնություն է, և ես չեմ բացառում, որ մի օր կարող եմ այնտեղ հայտնվել»,- ասել է Չիչարիտոն:
Պատրաստեց Անի Գաբուզյանը
