««Բավարիան» իդեալական ակումբ է տիտղոսներ նվաճելու և մակարդակը բարձրացնելու համար». Ռոբերտ Լևանդովսկի
«Բավարիայի» հարձակվող Ռոբերտ Լևանդովսկին հայտարարել է, որ դեռ որոշում չի կայացրել, թե որտեղ է շարունակելու կարիերան:
«Հնարավոր է` մի օր կխաղամ Անգլիայում կամ Իսպանիայում: «Բավարիայի» օգտին կարող եմ ասել, որ այն իդեալական ակումբ է` անձնական մակարդակը բարձրացնելու և տիտղոսներ նվաճելու համար: Եվ այդ գործոնի շնորհիվ ես կարող եմ մնալ Մյունխենում:
Մենք յուրաքանչյուր մրցաշրջան նվազագույնը հասնում ենք Չեմպիոնների լիգայի կիսաեզրափակիչ. դա տպավորիչ է: Կարո՞ղ եք ասել, բացի «Բարսելոնայից», «Ատլետիկոյից» և «Ռեալից», էլ ո՞ր թիմը կարող է հպարտանալ նման կայունությամբ»,- ասել է Լևանդովսկին:
Պատրաստեց Անի Գաբուզյանը
